القصيد

عدد المساهمات : 2 تاريخ التسجيل : 01/07/2010

هاك كل القصيد اخذه مثل ماتبي والله اني اغبط الخاطر المستريح
كيف لاجيت ابكتب احترق بلهبي شمعةٍ ماتحس بعمرها من تسيح
كل شاعر ترى لو هو تشاطر غبي يطرب الناس شعره وهو جروحة تصيح
خذ قصيدٍ بدا قبل مايخط شنبي يو الأيام كانت مثل ريضان شيح
آه ياليت تجمع بعثرة مكتبي والله اني نويت ابني لشعري ظريح
كم كتبت وكتبت ولا وصلت طلبي مدري العيب فيهم او بطبعي صريح
كن الأيام برد وهالقصيد حطبي والأماني رماد والتوافيق ريح
بدل الوقت شكلي ولا قدر مذهبي وادري ان الأماني بها الزمن من صفيح
انت يامن تفتش دفتري وش تبي كل بيتٍ يمرك اعرف انه جريح
وكان ماكفاك شعري يخلف الله تعبي مايخلد ويبقى الا القوي الصحيح

يعطيك الف عافيه على الطرح الجميل

يعطيك الف عافية تميمي
وصح لسانك
قصيدة مميزة سلمت ياذوووق